काठमाडौं । नोभेल कोरोना भाइरसको संक्रमणबाट थप एकजनाको मृत्यु भएको छ ।
मृत्यु हुनेमा दैलेख दुल्लु नगरपालिका-३ का ४५ पुरुष रहेको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जानकारी दिएका छन् ।
उनको असार ८ गते राति ९:३० बजे प्रादेशिक अस्पताल सुर्खेतमा निधन भएको थियो ।
उनी क्षय रोग तथा दमका बिरामीसमेत थिए ।
उनलाई दुल्लु अस्पताल दैलेखबाट असार ३ गते रिफर गरिएको थियो । उनको असार ३ गते स्वाबको नमुना संकलन गरिएको थियो।
उनलाई असार ४ गते कोरोना संक्रमण भएको पुष्टि गरिएको थियो ।
हालसम्म देशभर कोरोना भाइरसको संक्रमणबाट मृत्यु हुनेको संख्या २४ पुगेको छ ।
